العلوم مركز أول

السلام عليكم جميعا أحبابي في الله
أبشركم
فزنا فزنا فزنا بالمركز الأول بمسابقة المكتشف الصغير
الحمد لله تعبنا والله ماضيع تعبنا
مو بس أنا والأبلة المشاركة معاي (الغالية على قلبي)
القسم كله كان معانا
حتى الأبلات الجدد مع انهم جو بآخر الأيام بس ألحوا علينا بمساعدتهم وما قصروا
أخذوا حصصنا لما كنا جدا مشغولين
حتى المحضرات ما قصروا والله
يترجوننا ترجي عشان يسوولنا أي خدمة
القسم كله كان صج مثال على التكاتف
محد قال أنا مالي شغل أو اسمي مو مسجل
والأولاد
عثمان وابراهيم
بدعوا الله يحفظهم
ماشاء الله الله يخليهم لأهلهم ويهديهم لأنفسهم كانوا مريحيننا حيل بالتمثيل للفيلم
و أمهاتهم ما شاء الله
اغمرونا بكرمهم وتعاونهم
حتى وحدة منهم للحين عندي كامرتها أترجاها كل يوم تدق علي تذكرني عشان أجيبها لها ومو راضية تقولي اللي عندج عندي
ورئيسة قسمنا تقولنا جهزوا يدينكم للساعات (هدية منها ياقلبي قلبها )
ما انسى إدارتنا الرائعة اللي كانوا حيل مرنين معانا بالرحلات وبيوم المسابقة وقبله بيوم وزعوا حصصنا احتياط
وناظرتنا الغالية اللي الفرحة تبين بعيونها (كلامها عسل يا جماعة عسل)
افرحوا معانا يا جماعة ترانا حيييييييل فرحانين
(مع انه مو جديد علينا المركز الأول )